9
Kuthnathawktu te thar chhuah

Mizoram a hnathawk tam ber chu kut hnathawk a eizawng kan nih hmel a. Kan thlai thar chhuah ho te hi pawisa hlutna chhut ta ila engzat nge kum khat ah hian kan thawh chhuah hlawm ang le aw?? . Sir blueberry a tehna hmang in tin 20 hmun vel lo nei ta ila, buh thar hlawk viau ta bawk ila emaw, chepahakhata sangha khawi hlawhtling ang khan sangha dil siam ve ta ila, thar hnem ta viau bawk ila, a pawisa zawng a hlutna chhut ta ila, engzat nge ni tlangpui ang le!!


Vawi khat AIR ah "kut hnathawktute tan" programme ah serthlum huan siam hlawhtling an rawn kawm a. Kum 10 vel a siam tawh thu leh kum khat ah Rs 80,000/- vel a hlawh thu a sawi a. Hlawhtling em em han tih tur ani dawn emaw ni le ..tih rilru ah alo lang zawk mai.


Chaw ber a kan rin mah nise la buh ching tute ai hian kuhva/serthlum/hatkora/limbu ching tu te hian a pawisa hlutna anga chhut chuan an thar hlawk zawk daih angem le??


Punjab/Haryana/western UP/ AP vel a foodgrains sawrkar in a leina Minimum support price(MSP) an tih mai set tu chu commission for agricultural costs and prices(CACP) ani a,mahse a ti tu tak chu Prime minister hnuai a committee ani a.FCI hian an operation atan ringawt kum khat ah $5.5 billions vel an seng ang vel ani tawh a. Kudam ah te dah na tur buaipui awm khawp in foodgrains an khawn khawm a, export hial te pawh ani. chuti chung chuan foodgrain demand hi a mihring per capita anga chhut chuan a tla hniam a, mahse mi riltam a awm tam tak an awm tho bawk si????

< ="http://lawrkhawm.com/ ?kk=10">
 

Who Voted

41 comments

Written by Blueberry, 1371 days permalink
0
0
Kum 1 chhunga cheng sing 8 hlawhchhuah chu a tam ka ti lo tawp. Mahse a titu-ho zingah chuan a hlawhtling ber pawl a ni lawi si a niang chu.

Buh ai chuan thei lam chin uar hi kan ram leilung a inrem zawk ka ring... te ka tiat!!
Written by Loser, 1371 days permalink
0
0
Tam tih hi a inanglo thei khawp mai, mirethei tak chuan cheng sing 8 khi tam a ti ngawih ngawih laiin threnkhat chuan tlem lutuk an lo ti maithei bawk... Kei chuan a tlem ka ti vak lo, achhanchu kuthnathawh atrang ringawt chuan cheng sing 8 hi leichhuah a har e mai...
Cheng sing 8 thawk chhuak tur chuan sum leh pai, tha leh zung nasha taka sen angai a sin. Sawrkar hnathawk nen tehkhin theih an ni lo, sawrkar hnathawk chuan a hlawh zawng zawng kha a hlep (profit) a ni nghal tawp mai, mahse kuthnathawk tu chuan a huanthlai enkawl nan hlawhfa rawih man te, leithra man te, thlai chi man te, morot phurh man te, etc. a chawi angai thrin si a...
Written by dula, 1371 days permalink
0
0
a lei chhuah ania, kuthnathawk tu in a sum hman na senso paih vek phei chuan Rs 80000/- ai chuan ala tlem hmel bawk sia. A sum anga chhut chuan a thawk chhuak tam lem lo ka ti. A hun leh thahrui sen so tur ngaihtuah phei chuan!
Written by Loser, 1371 days permalink
0
0
Dear Dulte - Nie, a hlawk azawnga teh chuan hlawk lo tak a ni, thil dang tih daih mai awm tak, mahse, heng hna lo hi chu thawh thiam leh thawh tur an nei chuang silo a lawm... Hei aia rate thra leh man man zawka an thar chhuah te an hralh theih dan ngaihtuah pui a thra khawp mai...
I thil post ah khian, Rs. 80,000/- vel a hlawh tih i tarlang sia, a hlep (profit) hlang anih ka lo ring deuh a.. :))
Written by dula, 1371 days permalink
0
0
Loser..ni khawp mai.marketing ah kan la chau tlang ani ange. Hman deuh a MAMCO in sawhthing a lei khawl, a dah tawih teuh te kha, record dah fel mumal lova pawisa siam nan a hmang tawk an lo awm ani awm a...kha mi a mawh phurtu te ho case te kha chin fel ala hlei nem!!....... Rilru sen tlan chu a ngai ka ti khawp mai Rural development anih mai bak ah kuthnathawktu ten sum an lak luh hnem chuan kan ram sumdawng te leh ei zawn na dang ti tu te tan pawh customer an lo neih tam phah leh zual anga....!!
chakai farm/shrimp culture tih lam te hi ti an awm tawh em le..hman deuh khan an sawi teh chiam a!!
Written by sekibuhchhuak, 1371 days permalink
0
0
Sawhthing Buk tutute kha hausa ta thut ka hre nual mai! :-) Truck trip khat te kha, truck trip 40-ah te an puntir a, chhiarkawp an thiam bik khawp mai :-P

Loneitute hi hruai chu kan nuam ma le, sorkar ( dept) lamin chu chu chin atha an tih chuan kan ching a, kan uar vak maia . Kan veng pa pawn, sawhthing la choh loh, huan zam deuh ala nei :( Ni e, marketing lamhi kan neih hmasak angai khawp mai.
Written by Loser, 1371 days permalink
0
0
@ dula - chakai farm te kha chu Pu Zoramthanga (aka Babutea) mumang vel mai mai a ni lawm ni =)) Thil buaithlak deuh chu nasa tak beih chiam chiam dawn pawhin buaipui tham tak tak product kan nei thrin lo hi a ni, tam tham tak product nei ila a zia awm ka ring, mahse, kan ram leilung leh hmanraw neih leh enkawl dan ten a zir leh bawksilo... buaithlak e mai...
Sawrkar hi chuan a ram ipui tamzawk te eizawnna a nih vang hi chuan ngaipawimawh thei se a thra khawp mai..
Written by dula, 1371 days permalink
0
0
Seki: an buk pung chu thuhran, an dah tawih teuh a..chumai bak ah cash ala awm tur awm ta si lo te kha Rs 16 lakhs chuang te kha, an han chhui khan officer pakhat khan ka kawl e..a ti a, a pe let leh ta nge ta lo erawh record a awm chuang hlei lova :D
Written by Noddy, 1371 days permalink
0
0
Rs 80,000/- chu kan ram dinhmun chhut in kuthnathawh atang chuan a tam thawkhat viau in ka hria. Kum Khatah thla 12 a awm a, chu chuan sem ta ila, thla khatah chuan Rs 6600/- vel a la lut dawn tihna a nia. Thildang atanga a lak luh chhut tel miah lovin chhungkaw pangngai takin a chawm thei der tihna a lo ni ta a.Serthlum atang ringawt a tih theih chuan a tam viau lo maw..
Written by sekibuhchhuak, 1371 days permalink
0
0
Kum 10 hnua a hlawh chhuah ani tih pawh hre tel ta ila :-)
Written by sekibuhchhuak, 1371 days permalink
0
0
Buh chu Chhamphai vela, leilet a ching tan a ziaawm mai thei. Tlangram ( jhum) angah hi chuan , buhchin hi a hlawk ka ti mawlh lo. Kumtluana kan tha sen ral ngaihtuah hian. A vah atanga a seng hun thlengin.

Durtlang Vengthar, Saphal ramah; Kum 1999 khan, lo kan neive a. Buh karah thlai dang chhin tel hian ahlawk khawp mai a. Bawkbawn, samtawk, hmarcha kan chhing tela, kan hlawk pui khawp mai. Mahse, buh tan erawh atha lutuk lo. An dip ana mah mah niang. Kum tawpah chuan, kan buh thar aiin, kan thlai thar kha kan hlawkpui zawk.

Serthlum hi a hlawk viau. Hlimen ah sawn a tam thin a. Vai ho hian a hmin hma a tang hian an rawn khar tawp thin. Kum 6-7 kalta atang khan Mizorama serthlum kung tam tak athi ta puk puk mai. Khangte kha Agri ho hian an chhui chiang em le?
Written by Loser, 1371 days permalink
0
0
Buh chin hi hlawk lo tak a ni... A sum leh hun& tha sen zawng zawng kha khawl in buh lei se an hlawk zawk... Mahse, adang thawh tur an hre thlawt silo a nih hi... Ka khawngaih hlawm a ni...

Serthum chu Agri ho chuan an chhui leh chhuiloh chu ka hre miah lo mahse, Upa C. Rokhuma khan a damdawi a siam chhuak a ni lawm ni??
Written by dula, 1371 days permalink
0
0
seki: nia maw le, foodgrains market hi ennawn chu a ngai tawh anih hmel India ram ah hian. $5.5 billions vel an seng a, buaipui awm khawp in kudam ah buhfai leh wheat an chhek khawl a. riltam an awm reng tho si?? engvangnge ?? open market a buhfai leina an neih loh vang ania. hetia sawrkar in MSP a siam a, a hlawm a lei thin avang hian a hralh thei te chuan sawrkar ah an pe a , chuvang chuan open market a buhfai awm a tlem a, a man ato phah ta reng ani......!!
Written by sekibuhchhuak, 1371 days permalink
0
0
@ Loser:Nia buh ai chuan, thlai hnepnawl chhin dan hi intih hmuh suah suah chi ani. ie: Hmarcha-te te hi ato em em reng a
Written by sekibuhchhuak, 1371 days permalink
0
0
dula: I sawi hi a dik chiah.
Written by Loser, 1371 days permalink
0
0
@ sekibuhchhuak - mahse a theih vek loh a lawm, thingtlang hnaivai deuh tan chuan a thei mai ang. mahse, hla tak tak a awm te tan chuan transport ah a buaithlak leh thin a lawm... Kharchhawng hovin an hah zia ngaihtuah lek lovin man tlawm te te a leisak an lo tum ve reng bawk nen...
Written by dula, 1371 days permalink
0
0
loser: ani khawp mai. sawrkar lai pui pawh hian subsidy lam ai chuan connectivity lam te pawh sum seng ta se la, a nawl pui chuan kan that pui zawk a rinawm asin maw le.mahse, state lian lobby nei chak ho hi subsidy chhawr nasa an ni tlat lawi bawk sia , buaithlak ani.

Mizoram a bamboo link road an laih ve lah kha measurement pawh ti miah lo a bill pek vek tawh te ani fur hlawm ani lawm ni. Khua hi a var lo asin maw le aw!
Written by Loser, 1371 days permalink
0
0
Dula - Mizo zingah hian ram leh hnam hmangaih hi anvang em a ni.. A biktakin politician ho hi an ni leh zual...
Written by awitei, 1371 days permalink
0
0
Helai chu mihring awm in va tlem ve
Written by tualvungi, 1371 days permalink
0
0
enge ka sawi ve ang... kum khata cheng singriat chu a tam lo ti rinawt ila, chu aia lalut tlem hi an va tam dawn tehlul em... Kan ramah hian kut hnathawktute leh Ofis a hnathawk ho sum lakluh in thlau ltk hi engtin nge chawhrual theih dan awm ang le
Written by Padula, 1371 days permalink
0
0
vungkudung, sawrkar hnathawk chuan a hlawh tur a hre lawk a,a sum lak luh a hman dan tur a duang lawk thei a.kuthnathawk tu chuan a sum lak luh zat tur hre lawk thei hek lo, hei vang tak hian investment thiam a har anga,bul tan nan loan hmuh a har bawk ang.chalngura ar farm te kha a reh ta vang vang mai....
Written by RafaEl, 1371 days permalink
0
0
Thlai lam ai chuan ran vulh lam hi a tha in ka hria... A huatak viau na a, hralh theih loh awm lo a rate lah tha reng bawk si niin ka hria... Chubakah a ram a zirin thei lam hi a hlawk ve thei khawp mai.. Khawchhak lamah grapes chingtute hian an lalut hnem thei khawp mai
Written by Loser, 1371 days permalink
0
0
Dear RafaEl - Eng ranvulh nge i tih aw? Ka hriat chian Bawng vulh ho hi chu an hlawk lem lo khawp mai, bawng ek leithra atranga thlai siam hi an hlawkpuina awmchhun chu a ni mai. Bawnghnute atrang chuan hlawkna an nei lo tihtheih tluk a ni.
Written by RafaEl, 1371 days permalink
0
0
Dear Loser ka rilru a lo lang tak chu vawk ar leh sangha te hi
Sangha dil hi kan siam ve tawh thin a, eizawn nan a tlak tih ka chiang... Mahse hmun neih that angaih avangin mi zawng zawng tih theih a ni si lo
Vawk hi a chaw ngaihtuah hi a hautak hle ang...mahse patlingin hnapuia neih chuan tlin turah ka ngai... An chaw tur chin te hi tih chi viau ang
Ar hi an chaw hautak deuh mahse hralh an hma a, tin tui an nei bawk nen... hlawk turah ka ngai
Bawng pawh hi a tlatna tur awm thatna hmunah chuan hlawk ka ti...zingah an chhuah a tlaiah an khalh haw leh mai a... A hnute tui bakah an inthlah punna kha hlep hlang a ni..
Ranvulh ka han sawi vul nachhan chu e.. Kan kuthnathawk tuten thlai an chin a... A puitling angem?? A hralh theih angem?? tih zawhna an in zawh thin kha a puitling angem? tih chauh khi an buaipui tur a ni tawh dawn a ran an vulh chuan, an phurrit a ti zangkhai deuh lo'ng maw ka tih thuah
Written by chepahakhata, 1371 days permalink
0
0
Kan nitin eiin te pawh hi tih danglam hret hret a hun tawh. Mizoramah Buh chinna hmun kan nei tha si lova a, buh hi nikhatah vawikhat chauh ei ta i la, Tukthruan(Zingchaw a ni lo zingin chaw a nei lo) leh Chawchhun(Chhunchaw a ni lo, chhunin chaw a nei lo) te hi bal, kawlbahra, vaimim leh be chi hrang te hi ei thin ta zawk ila, Zanriah(Tlaichaw a ni lo) erawh buh hi ei ta i la, kan taksa tan pawh a tha zawkin ka ring. Bahra,bal & vaimim chaw bera ring ho hi an lian thei e mai, buh ei ho ai hian an lian zawk a, mihring taksa tan a tha zawk a rinawm.

Tichuan, buh aiah bal,kawlbahra, vaimim, be chihrang hrang leh thil dangte ching zawk ila a hlawk zawk ka ring.

Tin, buh kham khawp thar chhuak theihna khawp hmunhma tha kan nei loh vangin buh aia hlawk zawk, thei, thlai, bal chi hrang hrang te hi kan awmna leilung leh sik leh sa milh tur hi thlang thiamin ching thin i la, heng kan thar chhuah hralhna sum hian buhfai hi lei mai ta zawk i la, buh chin aiin a hlawk zawk ka ring.

Kan kuthnathawktute ho hi an mahni tih tih a ti ve mai hi an tam zawk a, zirna sang zawka zir leh fiatfiahna chiang zawk awm mang lova ti ve tawp hi an tam zawk a. Sawrkar lam hian nasa tak a zirtirna lamah hma a lak a ngai hle bawkin a lang.

Thei,thlai, be,adt.. lam chin ringawt ni lovin ran vulh lam te pawh hi zir chuan a titakthlak a tih chi tak a ni. Mizoram chhungah sa kan intodelh loh zia chu kan hre vek awm e, chuvangin ran vulh chu an dam that chuan a hralhna lam chu a huphurhawm loh hlein a lang.
Written by RafaEl, 1371 days permalink
0
0
Tukthruan
(Zingchaw a ni lo zingin chaw a nei lo) leh
Chawchhun(Chhunchaw a ni lo, chhunin
chaw a nei lo)
tukthruan,chawchhun zanriah - a dik khawp mai
zingin chaw a neilo tih lai tak hi tukin thruan a nei em ni? Tin chawin chhun a nei bik em ni.... Hming an ni ve mai, thil tam tak hi an hming ang ngau ngau a tehchi nilo a tam ang....entirna pakhat leh atan chuan hmanni in inhnialna a i sawi 'zu in fe a neilo zu ah fe leh tur a awm chuang lo ' i tih te kha.... Heti zawng hian han ngaihtuah ta la ... Thingpuiah fe leh chuang tur a awm bik em?
chutih lohah chuan i ngaidan khi ka trawmpui che.. Mahse phai zawl kan neihah hi chuan tui a that chuan buh phun hi a tha ka ti... Phun leh seng deuh chauh kha hna a ni mai..tin buh an phun hian sangha an thlak tela seng hunah man an hun tawl leh vel chiah a,tha ve tak a ni
Written by chepahakhata, 1371 days permalink
0
0
@RafaEl, Aizawl khawpum pawh khan min hnial rawn mah ula, he thuah hi chuan kan tanna hi belh chian a dawl zawk ang. Mizo tawng kal hmang leh tawng dik tlanglawn hi a awm a, tunlaiah dik lo tak a kan hman te hi dik zawk anga ngaih tlat hi a fuhber lo.
Tukthruan chu Breakfast tihna a ni a thil hming pakhat mai a ni, Zingchaw tih hi Tukthruan sawi nan phuahchawp a ni a, Mizo trawng kal hmangah a dik lo a ni. Chhunchaw pawh Mizotrawng kalhmangah a dik lo a, Chawchhun tih tur a ni, chu chaw chuan chhun a nei tihna a ni lova, Lunch tihna tfrawng kam a ni. Mizotrawng hi pawngtawng inhnialna chi a ni lova, kalhmang a nei a, khaw hrang hrangin trawngkauchheh leh thil hming lam dan kan nei a, kan trawng inang lo pawh a awm nual, chutihrualin, trawng dik pangngai hi a awm a chu chu a ni ka rawn tar chhuah thin ni.
Written by RafaEl, 1371 days permalink
0
0
A aizawl pum chuan nilo e.. tin aizawl lam pawh ka nilo... Ni e i sawi hi chu a dik alawm... Mahse ka thil sawi khi en ta che a mizo trawnga i hman dikloh ai mah chuan i sawifiah tumna hi a diklo ka ti alawm... 'Zingin chaw a neilo','chhunin chaw a neilo'...'zu-ah fe leh tur chuang a awmlo' tih ang chi ho kha mawle, a turu lo tlat :D
Written by Padula, 1371 days permalink
0
0
chepa: vety dept in model piggery village an din kha engvang a hlawhchham nge ni ta ang?vawkte,vawkin,tui pipe etc te a thlawn vek a pek si tunah chuan an rauh san tawh ani lawm ni, engvang nge ni ang?doordarshan ah khan vawkvulh teuh chu an rawn kawm tawh a, a chaw lei lova awm theih anih loh chuan a hlawk lem lo an tih kha. Dultea pawh hi vawk chaw atana tuirial kam changel suat tu pakhat ani ve a sawi tur a hria ang.... SGSY scheme a meghalaya vawkte an lak luh an phurh hlum teuh te kha enge chanchin ni ta zel le?
Written by Valmawia, 1371 days permalink
0
0
Kei chuan huan hi enkawl dawn ila, thangrang chi deuh vek ka tih ka ring. Kan nitin mamawh thlai hi uar ila, a tel lo va chaw kan ei theih miah lo tam tak a awm thei. Serthlum te, Balhla te, etc. hian hun a duh rei a, hmun a duh zau em em bawk a.. heng ai hian Tomato te, Mai te, Alu te, etc.. ho hi a hlawk zawk ka ring. Tih tak taka tih kan tum a nih chuan mahnin riah chilh a, enkawl tak zet a ngai a. Hlawhfa emaw tu emaw thlam nghaktir a, kar khat dana vawikhat vel han en ve ringawt hi chu a hlawk thin awm si lo va, beih tak takin kum 3 chhung bei ngat se, hun lo kal zel tur pawh thui takin a hriat theih ka ring.

Chtih rual chuan Sik leh sa inthlakdan hre thiam a, kan huanthlai chin kan thlak thiam erawh a tul ang.
Written by Lianpuia, 1371 days permalink
0
0
Kumkhat chhunga Rs.80,000.00 chu atam lemlo a ang. Bilkhawthlir leh Vairengte vela Kuhva huan siamho hian Tin 5 hmun vel a kuhva hi, a kunga a awmlai hian Rs.2,00,000.00 vel ten Vaiho an lei tir tawp ania... an hlawhtling zawk deuhlo maw? Chemphai leh Phaisen vela Sangha Dil neiho kumkhat tharchhuah pawh hi neplo thin deuh ani.... Hengho hi market-ah an buai vaklo leh nghal!!!
Written by dula, 1371 days permalink
0
0
Sangha dil siam chu hlawkpui tur aiin an enkawl tha tawk lova a thar tur ang a thar pha lo zawk e an tia lawm.sangha zawrh a hlawk em alawm, ice nen a vawn that theih chuan.KTP inhlawh nan pawh kan hmang thin a hlawk duh khawp mai..a hma in a duh tur kan zawt chhuak a, sangha lo thlen ve leh pek a pawisa dawn leh ani nghal mai a. hun duh rei bawk si lo. pangpar zawrh tih vel ai chuan hlawk zawk daih!
chemphai a leilet nei pu D.Hnunliana aka alex-a te veng hi chu a hlawkpui vak lem lo anih ka ring e.
Written by RafaEl, 1371 days permalink
0
0
A dik alawm.. A man hi kg 1 Rs 300 te a nih tawh hi maw! Enkawl thain chawm tha se chuan hlawk tak tur chu a ni, tin ven ngun a ngai khawpin ka hria..
Written by bcole, 1371 days permalink
0
0
Kum khatah 80,000 lo thawk chhuak ta se, chu chuan a daih rei ang em? Serthlum hian fertilizer a mamawh hnem si a, a tam leh vak mai lovang maw? MIZORAMAH HIAN ENGKIM A THA DUH, MAHSE A DAIH REI NGAILO.
Written by Fonz, 1371 days permalink
0
0
dam maw? hmanni ka lo haw a....zamuang ah khuan kuhva kung 2000 nih nei a awm a, a kum khat pawisa lakluh sorkar hnathawk director kumkhat hlawh ai in a tam zawk, corrupt lo anih chuan
Written by khuluaia, 1371 days permalink
0
0
Huan thlai eiruk hi chu puar a awl duh ngawt ang :D
Written by bcole, 1371 days permalink
0
0
Dam alom Pherh Lalpa, i lo haw tru thu kha I u in min hrilh a. Mizoramah hian kan hriatsa, Jhum cultivation ang chi, mahse sustainable si hi kan mamawh ber. HManlai atanga kan hman, kan nunphung, kan Kut, kan kungpui innghahna Shifting cultivation hi kan bansan thei chuanglo, a har luttuk. He system hi ram tichhe lo thei ang ber leh a hlawk thei tur anga kan duan chhuah a ngai a ni. Fonz, Mizoram ah hian a tir chuan engkima tha duha, a hlawk ve bawk. Mahse a daih rei ngailo, soil erosion a nasa luttuk. Plantation system hian Jhum aiin Forest a tichhe nasa thin. In buaipui Rubber plantation pawh hian kan ram a ti chhe dawn tho tho
Written by Fonz, 1371 days permalink
0
0
scientify study a awm em? :D .....kal phawt bye folks
Written by dula, 1371 days permalink
0
0
zamuang khua a mi chu Pu saikhalha ani ngei ang...head teacher hna bansan a huan siam ani reng alawm..hman ni lawk khan a damlo a new life hospital ah a awm tak asin.ka kan ve nghe nghe !
Written by bcole, 1371 days permalink
0
0
Fonz, a link hi lo en mai... http://news.mongabay.com/2009/0521-rubber.html, anih loh vek leh "effect of rubber plantation on environment" hi lo en ve mai ta che
Written by Fonz, 1371 days permalink
0
0
e nge nih i suggest?..i will consider it and will gladly take it up