11
YouTube - ZORAM NGAIH HLA - DUHAISAM - MIZO

Pu Zorampela ‘Duhaisam’ hmangin duh thu i han sam chhunzawm teh ang u le..







Chaktiang kawl rawnah hian leng mah ila,


I sakhming sawi reng kan bang thei si lo;


Ka pian ka seilenna ram tiin,


Dawn lungrukah nghilhni i awm theilo.


Ni e, chhinglung chhuak zofate inpui chu he kan chen mekna ram, Mizoram hi a ni. He ram lo hi chu ramdang mizote hian ka ram tihtur kan neilo. Chu ram chu a ni zofate himna kulhpui chu. Khi hla chang khi en teh ang u. Pu Zorampela kha mizorama piang leh seilian a ni a. Eng emaw avangin khawchhak lam kan unaute awmna lamah an awm a. Mahse he ram, mizoram erawh a hre reng thin a ni.


Kan ram kan hnam lo san zelna turin,


Ka nun ka neih ka chakna zawng hlanin;


Lungngaih mangan buaina leng vel te,


I tan hlimten ka lo dodai zel thin.


Kan ram thatna tur duhin an thian an finnate an hmang a, an neih thil zawng zawng te leh an nun hial pawh an hlan phal a ni. Ka ngaihtuah mai mai thin- he rama cheng ram hmangaihtu inti tam tak ai hian ram hi an rawn hmangaih zawk angem aw? ka ti thin. Zoram thatna tur a nih chu theihtawp chhuah an huam em em a ni.


Mahse vangkhua let a fan leh ni chuan,


I chhunga lungduh naufa leng zawngten;


Khawchhak mi tia hming min selin,


Sirah damten puan ang min lo hnawl e.


He lai chang hian ka thinlung a deng na kher mai. Khing kan unaute khian zofate inpuiah chuan rawn lenluh an chak a, an rawn leng lut a. Keini he rama lo cheng te chu PAWIH tiin kan lo hmusit thin a maw? Sualna zawng zawng chu ‘pawih ho’ tiin kan puh thin. Tihian ngaihtuah teh ang u. Khaw tinah hian kal ila zuin hi an awm ve ziah thin. Chuvangin misual vek anni bik lo.


Anni chuan mizo anni tih an chianga, hnam bo an inti ve lo. Mizo dik tak an nih vangin he ram hi rawn hmuh ve an chak a. An rawn kal tum chuan kan unaute tia dawng sawng lovin PAWIH tiin kan hmusit thin a nih hi. Hawh u, i harh ang u, unau an inhmusit ngai love!


Aw a na tuarthiam zawng a har,


Hrilh ka hai lunglam ka lo vai;


I tan ka tuarna leh hlim nite,


Zantiang tawnmang mawl mai an chang zo ta.


Mo thar a in hmasa zawkah leng se, a unaute chuan ‘mi mo mai mai’ lo ti ta se a nat dan tur chu inhrethiam mai awm e. Ni e, he rama hlim taka rawn zin tumin an rawn kal a. Keini, he ram lo luah tute chuan kan lo hmusit thin a nih hi. Hawh u, he hnam hmangaihtu dik tak te hi hmusit lovang u. Hetianga unau rilru intihnat sak thin hi dinchhuah a har a sin.


Ram tin, kil tina zofate zawng hian,


Suihlung ruala thinlung hmunkhat puin;


Hmangaihnaa insuihkhawm zel hi,


Kei ka lungkham leh duhaisam a ni.


A phuahtu nen hian kan rilru a va inang em! He hnam, mizo hnam hi hnam tlem te kan ni a. Mahse lungrual tak kan awm a, kan insuihkhawm chuan khawvel hriatah kan hnam hi kan pholang dawn a ni. Ngaihtuah teh ang u.. chi bing inlakhranna hi kan ram hmelma lian ber a nih hi. Rilru hmunkhat puin insuihkhawm ila hnam ropui kan ni dawn a ni.


Aw zoram ka ngai em a che,


Nang lo chuan lawm a kim thei lo;


Dar ang tawn lehni her chhuak thuai se,


Thinlai dam ten len ve maw ka nuam e….


he hla chang hi kan unau hmundanga awm te tan ka hlan e!

 

Who Voted

11 comments

Written by khuluaia, 1273 days permalink
0
0
Ziak sei peih bawk a, kan vote teh ang.
Written by PuMaleeya, 1273 days permalink
0
0
eh!!! Randy Orton-a T-Shirt hma a ruhro te a hmang vel :twisted:
Written by tualvungi, 1273 days permalink
0
0
he hla hi ka lo ngaithla liam mai mai thin a... keimah08 hian a rawn chhawpchhuah takah cuan hla tha tak alo nih hi....
sawi tur ka pai trun mai mahse ka sawi lo mai ang
Written by dula, 1272 days permalink
0
0
Nia sawi lo mai rawh..a phuahtu hla phuah tha tak hi i khawih nu zo vek palh ang.. :)
Written by Sketcherboy, 1273 days permalink
0
0
Ka vote thei miah lo tinge mawni :D
Written by khuluaia, 1273 days permalink
0
0
Vote tur chuan hmeltha deuh hlek maleeya te ang a ngai alawm @Sketchy :))
Written by tualvungi, 1273 days permalink
0
0
hmelchhe vote an phal lau
Written by shabito, 1273 days permalink
0
0
Mizoram hi in rawn ngai ve tak tak emaw ni le?
Written by dula, 1272 days permalink
0
0
Kum 2009 august thla vel ani ta in ka hria...chawlhni chawhma inkhawm ban hian tih tur ka hre lo hian ka u computer a music file ka enkual vel mai mai a, chuan he hla hi a lo awm ve a..kan zaitir chhin kha ka ngaihthlak vawi khatna atangin a thluk hi a nalh ka ti khawp mai a..tlangval dultea te anga kan tlangval lai a mizo hla thluk dam dap mai,mahse lengkhawm zai ang lam a ni tluk tluk lova fel fai ang reng tak si (dultea chuan solfa in pentatonic a rawn ti ang)..tu nge a sa tu chu ka hre ta hran lo, an music kha acoustic tliang ral mai ani bawk a..a nalh hi ka ti khawp mai a..tunah chu car-tape a pendrive ah ka dah a..han zin chang te leh office han ban tlan deuh chang a khaw thim thet thet tan hian motor chuan pah in ka ngaithla vang vang thin...
A hlathu pawh hi ngaihtuahna a ti thui khawp mai. (a phuahtu hian ka phuah tur min lo phuah khalh emaw tih mai a awl)...
(ka sawi tha ti ruuuu)

"Keini he rama lo cheng te chu PAWIH tiin kan lo hmusit thin a maw? Sualna zawng zawng chu ‘pawih ho’ tiin kan puh thin."

Hei chu a dik lo in ka hria. Pawih ho tih zawng a sawina chu chhurbura thawnthu ah fiamthu atan hman ani.Burma ram lam atanga mizoram a rawn awm hi PAWIH ho ti a sawi ka hre ngai lo...
Written by chhangte_ll, 1272 days permalink
0
0
Keichuan ka ngai em em hranlo, ka fapa te hi an lo pawngsual palh ang tih ka hlau :P
Written by dula, 1272 days permalink
0
0
Ipa Nagaland a awm laia a hla duh thin anih khi vote ringawt rawh :)