27
PUITLING FILM SIDE EFFECT (Kan khua-ah Puitling Film Part-2)


Khawnge he thute hi hmailehkhabu lamah ka chhar hlawl mai kan share ve teh ang che u...



Patling rualin sirkhen film kan han en zet zawng, ke pahnih hlang meuhvin thuthlengseiah kan thutung ang fer fur a, kawr awm zawr hnupin chilthli kan luantir nguah nguah mai a nih kha! Puitling film meuh en tur chuan patling pawh kan lo la naupang chhia tlang teh e maw!



Kha ennawm atang khan mipa theuh theuh nih vang ngawt hian kan neih a lo intluk tlang vek lem lo tihte ka hmuchhuak tawh a, Zopa mualpho titam mai mai en fo chi pawh a ni dawn em ni aw tihte a ni ka ngaihtuah tak chu, kan en leh a nih pawhin nupuite tel lo bawka en leh chi a ni ang; chuti a nih loh zawngin min sit haw dawn e mai!



Chubakah kan en laia pitar kelchal tia awrh mai meilum ai lai Pu Leta’n a lo itmelh nget nget mai leh kei ngei pawn kan en zawh hlima kawtlaia bawngpui bawk ka hmuh keu tak vuh dante ngaihtuah let chuan kan khaw mipa ralkai chin ngawt pawh hi Pu Thangzauva hian puitling film min han khilai zeuh zeuh ta se kar lovah ran mai bakah tar zawng zawng pawh hi chhungkhung vek an ngai ang tih ka hmu lawk vek mai! A nawlpui ang a en phei chu tih chi a ni lo vang.



Khatia puitling film kan han en ve kha nupa nun hlimna atan emaw, helama kan hriatna tihzauh na’n ti a rilru nei ren rawna en kan ni lem lo va, sapho mipat hmeichhiat sualna kawnga an lo pen thui tawh zia leh an thlarau chhanchhuah a ngaih tawh zia zirchian tuma en phei chu kan ni lo lehzual! Zep nak chuan maw, rawp vang liau liau a en kan ni e!



Kan beisei ber lah chu kan han hmuchiang em em khawp, ti ila kan beisei phak piah lam daih kan hmu a ni zawk, mitthla a puitling film kan lo suangtuah lawk ve dan nen chuan inthlau vai vai tak a ni! Sairawkherh nen perhthluk ngei tuma Ramar a kawngtuma lo chan ve ran ran laiin Zukchal chang chhuak ta luau mai ila, chutiang vel chu kan ni awm e, kan lo mitthla lawk ve kha puitling film a nih ngai chuan kan en kha chu ‘Upa pawl film’ a ni ngei ang!



Thosilen hnuaiah, naupangho tihharh hlau tak leh kut lehlam a khumza kau thawm chhuah tur dawm bet chungin an bung ve tura lo suangtuah laiin chhun pachangah, chutah choka chhuatah lehnghal, thenawm zawng zawng hriat phak hial tura hlado nen meuhva huk dum dum chungin an inlim ta awrh awrh mai kha a nia, a lehlingin min barakhaih chiang kher a sin aw!



Puitling film-in kan khua a rawn luh thu leh a entu awmchhun kan nih thute chuan kar lovah khua a dengchhuak thuai a, inrinni zan vai film mai mai en chang pawha a tuk chawlhni inkhawmna thlenga achangtunu lam thiamzia, achangtunu pa sual thiamzia leh achangtupa back kick mawizia nen lam detail tak meuha sep zui thin khua chuan film ropui kan en chungchang kan sawichhuah hun chu Judate’n Messiah an nghahhlelh tluk zeta nghakhlelin an lo ngaichang ta thuap mai a nih chu!



Kan dinhmun chu hetiang vel hi a nih laiin kei lah hi nihna lo ang deuhva han lanchhuahte chu ka englo then vena zawng tak a lo ni vei roh pek a, kan khaw pahovin khabe uai duaia vainu lam lai chawn lang palh chang reng renga chitrahaar an en thup laite chuan nep tih hmel fahranin Bangladesh news ente ka’n lo rawt tlat ang a, Zeenat Aman poster-te chu mamawh hmel tawh lo fahranin vaihlo fun na’nte kan hmang vel thul, kan khaw paho chuan chu’ng thil ropui zawng zawng pawh min hnualsuattir theitu, chu puitling film chu engtiang fakauva ropui nge ni ang aw tih chu an suangtuah zui a, en phak chin chu min ngaisang awt awt tawh mai a, a rawp apiangin mi ngaisang zual a ni tawh mai! Mahse a nihna takah chuan he puitling film kan en vang hian Pu Thangzauva bawngpui pawh kan hmu Hema Malini vuh tawh zawk kha a ni reng sia!



Kan khua hi mi berh te te awmkhawm ve mai kan nih avang hian in nghet tha tlet tlawt nei hi chu kut tang thliaka chhiar tham lek an la ni a, kan khumte lah hi Baktawng pa Nghaka Jeep an sawi ang mai, han che hlek ila a ri tluar tluar mai zel a, heti a nih vang hian pahovin chhungkaw tipung tura kan hma la thawm hi thup theih tak tak a ni lo. In inhnaih deuhte phei chuan thenawmte chhang neih hun tur hi siam lai atangin kan inhriatpui kur mai zel a, “Tun tum chu an thawm atangin mipa an nei ngei ang maw le,” tite hian mu chungin kan lo suangtuah pui ve mai mai thin. A dik thei phian lehnghal a!



Hetiang taka in leh khum nghet neih lama kan pachhiat laia puitling film thlipuiin min han nuai a, zan lama paho thapui chhuaha kan han bung tlang thin mai zawng, lirnghingin a nuai ta emaw tih mai tur hian in hi a sawi rual dul dul zantin ta mai thin a, sa lo hrangin zanlaiah kan ranvulhte lak rawn tum mahse khawchhung lut ngam lova ral atanga a rawn thlir ve mai mai hi ka ring thin.



Sawrs : Facebook/ Thu ngaihnawm Huang..





 

 

Who Voted

22 comments

Written by Desperado, 838 days permalink
0
0
yes i leave this comment
Written by Southernson, 838 days permalink
0
0
Zahmawhlo tak a zahmawh sawi a thiam hle mai :)
Written by chhangte_ll, 838 days permalink
0
0
Ha ha ha..Thu a va thiam em em ve mawle :)
Written by Bawnga, 838 days permalink
0
0
Kei chu ka chhiar zawngin ka tim ur ur mai
Written by loredknap, 838 days permalink
0
0
ser thur deuh ei pahin i en aniang chu nge i ha a trim jokes :D
Written by zodikalz13, 838 days permalink
0
0
Part 1 chhiar lovin Part 2 hi chhiar ta ila ka bo viau ang em?
Written by loredknap, 838 days permalink
0
0
Part 1 chu misual lamah khan an post kha... lengzem ah poh an ron chhuahin ka hria... nuihzatthlak dun khop mai... bo inti lo mahla bo sa reng a lom kan nih keini Bnei Manashe hnam te chu akekeekkekekeke
Written by zodikalz13, 838 days permalink
0
0
a chhiar a chhiar hi ka ti mi lo, a en leh ngaithla chi ka nia =))
Written by Shika_Langel, 838 days permalink
0
0
napa, good post
Written by loredknap, 838 days permalink
0
0
:D ty
Written by digimalt, 838 days permalink
0
0
lollzzz
Written by cobby_cobster, 838 days permalink
0
0
A video a awm na nge?? :D
Written by SAVAGEKidZ, 838 days permalink
0
0
Part 1 chhiar loh chuan ho eeeeeeeeeeeeeeeee
Written by zabardas, 838 days permalink
0
0
In puitling flim en hi AVN lamah a rating a sang viau lo maw?
Written by Coca_Kawla, 837 days permalink
0
0
a thu thiam dan em em hi a....a post tupa ziah emaw ka tia facebook atanga lakchhawn leh ani tih a mawng lamah ka hmu bawk sia....tu ziah nge ni ta ang le, ka hre chak.....thu a thiam em mai...
Written by dula, 837 days permalink
0
0
Hahaha...mihring awm chhung chuan a awm ve zel dawn chu anih hmel sia. Vawi khat badminton kan khelhna ah japan ram a zin pakhat hian japanese ho chuan cartoon-blue film an uar zia te, comics thleng a bus ah te train ah te an chhiar thrin thu a sawi nasa mai!! :D
Written by Desperado, 837 days permalink
0
0
hetiang lam thu leh hla hi tunlaiah chuan a hralh a kal an ti
Written by SHauzelSailo, 837 days permalink
0
0
A thra ve kho p mai.. A ziaktu chu a frank ang reng, amah anih chuan. A thra ka ti.
Written by PureLeader, 837 days permalink
0
0
Happy New Year LKrssss :D
Written by hawkdaka, 837 days permalink
0
0
masi bawr vel khan thenawm site ah ka chhiar tawh tih ka ssawi kher ang em??
Written by alexxfender, 837 days permalink
0
0
i chhiar har mah mah zawk a nih chu.. December 14, 2011 - 5:52 pm khan buannel.com ah a post tawh a... August 2, 2011 - 10:45 pm khan a part-I a lo post tawh bawk. A ziak thiam zek a ni.. kei pawh in ka chhiar chhuah ve vek kha mawle.
A ziaktu hmel pawh hian nuih a ti za tho.. akekekeeeee.. mihur film en hrat tak hmel chu a pu sim sim.
image
Written by Dawldanga, 836 days permalink
0
0
Puitling Film i tih hi ka man chiah lo, Maleey-a download tlut tlut ang chi kha maw ni dawn le =)) :D