8
Vanglaini Daily News :: Daily News (pagesetter)
Hlawha lungawi lo sorkar hnathawk pung zel
By: vanglaini 2007.07.30

 

Mizoram sorkar Cabinet-in sorkar hnathawk Group 'A' officer-te hlawh leh dinhmun a chinfel ruala Stenographer Grade-II leh Assistant te hlawh, Rs. 5500/- atanga Rs. 6500/-a a tihs^n chuan nghawng a nei mek zel a; Department hrang hranga an hlawh ang la mekte chuan tihsan ve an phut a ni.

Cabinet thutlukna siam hmaa Steno Grade II leh Aissistant te tlukpui thin leh an hlawh ang la hi group 100 zet an awm a. Mizoram Police Sub-ordinate Officer Association (MPSOA) chuan Inrinni khan Aizawl Police Station-ah  emergency meeting an neiin, Rs. 5500/- la mek zinga mi Police Sub-Inspector chungchang an rêl a; Mizoram sorkar-in Steno Grade-II leh Assistant-te hlawh a tihsan sak takah chuan Police Department-a an tlukpui (counterpart), Police Sub-Inspector, tuna Rs 5,500/- a thu mekte pawh tihsan sak ve nghal rawh se, an ti.

Revenue Department hnuaia Technical Association pawhin Head Surveyor, Surveyor-I, Surveyors etc. hlawh siamthat ve an nih ngai loh thu leh, vawi tam tak sorkara siamtha tura an ngennain awmzia a neih ngai loh thu an sawi a. An dinhmunte zir chiang a, central sorkara an tlukpui leh Mizoram sorkara an level-pui thinte hlawh an pha lo lutuk zel mai leh, an hnuaia mite'n hlawha an lehpel zel chu a rang lama siamtha turin sorkar an phut thu an sawi.

July 27 khan Sericulture Extention Officer pawh an thukhawm a, an Pay Scale-a an lungawiloh thu sorkar vawi engemawzat an thlen hnu pawha ngaihsak hlawh lo a, service dangte pay scale tihsan bik a ni leh ta chu hrethiam lo in, lungawi lo dangte nena na deuh zawka sorkar nawr an tul an ti a. Sericulture E.O te chu B.Sc, Pre-Service-a kum khat aia rei training nei an nih dan tarlangin, Assistant/Steno Grade-II pawh tluk lova sorkarin a dah chu an ngaithiam lo hle a ni.

Mizoram Industries Services Association (MISA)-a EO/EI Unit leh IPO Unit-te pawhin thuchhuah siamin, Council of Ministers meeting-in Assistant leh Stenographer Grade II-te hlawh leh dinhmun, sorkar laipuia an level-puite mila a phalsak ang leh, sorkar laipui hnuaia Small Industries Promotion Officer (SIPO) te Assistant Director-a a up-grade angin, Industries Promotion Officer (IPO) te hi Assistant Director tlukpuiah dah ve turin an phut a. Central 5th Pay Commission-in a recommend anga Ministry of SSI hnuaia Economic Investigator (EI) I-te hlawh Rs. 6500-2000-10500-a a lo dah tawh angin, Economic Investigator (EI) te leh Extention Officer (EO) te chu sorkar laipuia an tlukpui (counterpart) te anga dah ve turin an phut bawk a. 2nd, 3rd & 4th Pay Commission hun laia Mizoram sorkar hnuaia an tlukpui thinte hlawh ang sorkar-in category tam tak a lo phalsak tawh ang chu an ni pawh pe ve tura an ngen tlat thu thuchhuah siamin an tarlang bawk.

Assistant leh Steno ang bawka Rs. 5500/- la mek, Staff Nurse pawh an lungawi lo hle niin thu kan dawng.

source: vanglaini.org

< ="http://lawrkhawm.com/ ?kk=10">
Be the first to vote for this post!

5 comments

Written by amuana, 2452 days permalink
0
0
@PHISS : Tha lutuk han ti zel teh. Kan vote te'ng che
Written by ZOaTlau, 2452 days permalink
0
0
PHISS oh Atha oh! sorry.
Written by Mayflower, 2452 days permalink
0
0
Mak sup sup hle mai.... A tirah thil hi an chhut chiang lo anih ber awm hi...
Written by amuana, 2452 days permalink
0
0
Inthlanpui dawn hnaih hri a lom.
Written by Popper101, 2452 days permalink
0
0
Lungawina reng reng a awm lo,
He khawvel Zoramah hian
Awi karei, hlawh tam tak nen
Hlepruk an sim thei si lo
Keini ho hian kan tlawn hlum dawn si
Simtu kutchhuakah lungawi a har anih hi.